Del në Gjykatë nëna lehonë: S’kisha dijeni për gjobë, fëmijën e parë s’e kam takuar

Në Gjykatën e Tiranës, po mbahet seanca për nënën lehonë të Shkodrës, Diana Bahçja Hoshi.

Ajo ka treguar se “nuk ka qenë në dijeni të gjobës”, ndërsa në momentin e arrestimit sipas saj u ka thënë policëve se kishte fëmijën në gji.

“Nuk isha në dijeni të gjobës. Fëmijën e lashë në shtëpi. Kisha djalin në krah. Nuk e kam braktisur fëmijën e parë. Nuk e kam takuar fëmijën e parë, ka 5 vite.”- tha ajo.

Avokatët kërkojnë lirimin e saj, pasi dëmton shëndetin e fëmijës.

Diana Hoshi është dënuar për braktisjen e fëmijës nga martesa e parë, por bashkëshorti i saj, Naim Bahçja pretendon se është detyruar të largohet pasi ish-bashkëshorti e dhunonte dhe nuk e lejonte të takonte vajzën.

Hoshi, me origjinë nga Mati është dënuar nga Gjykata e Tiranës në qershor të vitit 2022, ndërsa vendimi është ekzekutuar nga Policia më 7 Mars të këtij viti.

Më kërkesë të Prokurorisë, Gjykata kishte vendosur zëvendësimin e dënimit nga gjobë 250 mijë lekë në 1 muaj e 20 ditë burgim për akuzën “Braktisja e fëmijës”.

LEXONI GJITHASHTU: 

• Supersfida Bayern-Man City, Champions League vë përballë sërish Chelsea me Realin
• Kadilli: Opozita po thellon ‘gropën’ ku ka rënë, po përfiton pushteti