“Gjuhë raciste dhe anti-shqiptare”, gazetari lexon titujt e mediave serbe

Gazetari Xhemajl Rexha ka komentuar në një lidhje direkte me Euronews Albania se si është pritur takimi në Ohër mes kryeministrit Albin Kurti dhe presidentit të Serbisë Aleksandër Vuçiç.

Ai ka treguar disa nga gazetat që publikohen në serbi, në të cilat vihet re gjuha e urrejtjes ndaj Kosovës dhe Shqipërisë.

“Mora disa prej gazetave që dalin këtu, dhe gjuha anti-Kosovë dhe anti-shqiptare është e tmerrshme, raciste. Kjo është “Informer”, gazeta që shitet më shumë në Serbi, “Kurti ia ka dhënë të gjitha serbëve, lobistët shqiptar janë të mllefosur”.

“Nuk do të ketë Kosovë të pavarur, urrejtësit e serbëve vajtojnë. Lobistët shqiptarë janë bërë për spital”, këtë e thonë për shkak të deklaratave të ish-ambasadorit William Walker dhe Daniel Serwer, të cilët e kanë kritikuar marrëveshjen dhe kanë thënë se në fakt Kosova nuk fiton.

Zoti Serwer ka thënë që të drejtat që po i jepen serbëve nuk janë askund në Europë. Serbët gëzohen shumë nga këto deklarata pro Vuçiç dhe anti-Kosovë. Ata gëzohen që amerikanët kanë dalë kundër marrëveshjes dhe e marrin këtë si një argument që Serbia ka fituar dhe jo Kosova. Vetëm gazeta “Nova”, që është pjesë e televizionit Nova dhe është e opozitës e cila thotë se Brukseli ka hapur rrugën e njohjes së Kosovës”,-tha për Euronews Albania gazetari Xhemajl Rexha.

LEXONI GJITHASHTU:

• Fati i Vladimir Putin, pedagogu tregon ku mund të arrestohet presidenti i Rusisë
• “Zemra do ju digjet”- Nuk vonon hakmarrja për vrasjen e gjyshit që “shiti” mbesën