Kosova kërkon fitoren, dardanët presin në shtëpi Andorrën

Kosova kërkon fitoren në ndeshjen e dytë të grupit, teksa në 20:45 pret në shtëpi Andorrën. Dardanët u kanë dhënë fund përgatitjeve, ndërsa synimi i vetëm mbetet fitimi i 3 pikëve, teksa në ndeshjen e parë barazoi ndaj Izraelit.

Grupi do të jetë i plotë, ndërsa nuk priten shumë ndryshime në krahasim me 11-shen e përzgjedhur nga Giresse në ndeshjen e parë.

Në grupin I, Zvicra kryesuese do të përballet me Izraelin, ndeshje që pritet me shumë interes. Helvetët fituan në transfertë ndaj Bjellorusisë me rezultatin e thellë 0-5, ndërsa njëri prej golave u shënua nga kapiteni i Arsenalit Granit Xhaka.

Një nga sfidat kryesore të mbrëmjes është dhe ajo mes Turqisë dhe Kroacisë, grup në të cilin të dyja skuadrat janë favorite për të mbërritur në Europianin e vitit të ardhshëm që mbahet në Gjermani.

Në grupin A dy ekipet që kanë aktualisht nga 3 pikë ndeshen me njëra-tjetrën, ku Skocia pret në shtëpi Spanjën. Në të njëjtin grup, Norvegjia do të kërkojë fitoren ndaj Gjeorgjisë. 2 përballjet e tjera që zhvillohen sonte janë Uells-Letoni dhe Rumani-Bjellorusi.

LEXONI GJITHASHTU

• Shqipëria e pa fat, asnjë pikë në ndeshjen e parë të kualifikuesve EURO 2024
• Zbulohet oferta e çmendur për Messin nga Arabia, më e lartë se ajo e Ronaldos