“Kriza ekonomike është thelluar”, eksperti: Bizneset shqiptare janë pesimiste

Eksperti i ekonomisë Dorian Teliti tha për emisionin “Barometri” se krizat ekonomike për Shqipërinë kanë qenë të vazhdueshme, por sipas tij në këtë moment ne kemi keqmenaxhimin më të madh të krizës.

Sipas Telitit kjo krizë ka ardhur duke u thelluar në vendin tonë dhe kjo ka bërë që biznesmenët shqiptarë të mos kenë më optimizëm.

“Që është problematik ekonomia është, ka qenë në 30 vite. Çështjet ekonomike dalin gjithmonë në krye të listës në çdo sondazh. Por këtë krizë që ne po kalojmë tani dhe këtë keqmenxhim të krizës që po kalojmë tani se kemi parë ndonjëherë.

Ajo që duhet të ndajmë është a ka probleme ekonomike Shqipëria? Ka pasur dhe do ketë gjithmonë. Por a kanë ardhur duke u reduktuar? Jo, kanë ardhur duke u thelluar dhe çfarë është më e keqe është se pritshmëritë e familjarëve shqiptarë dhe të bizneseve shqiptare tregojnë që dhe në të ardhmen janë pesimistë”,-tha Dorian Teliti.

LEXONI GJITHASHTU:

• Rritet shqetësmi për kostot e jetesës në Tiranë, si ndryshoi në matjet e Barometrit?
• Spahiu: Rama i kërkoi SPAK-ut të hetohet Kryemadhi, njësoj siç bën me Ahmetajn
• “Muaj i mbarë, të gjithë përfitojnë”, astrologu bën parashikimin e prillit