Pse nuk bashkohen partitë shqiptare në Malin e Zi? Ja si përgjigjet ministri Gjeka

Mali i Zi zgjedh sot presidentin në raundin e dytë të votimeve, ku garojnë presidenti aktual dhe kandidati i DPS-së për një mandat tjetër, Milo Gjukanoviç dhe kandidati i Lëvizjes Evropa Tani (PES), Jakov Milatoviç.

Fatmir Gjeka, ministër i Drejtësisë dhe të Drejtave të Pakicave tha në një intervistë për gazetarin e Euronews Albania, Teodor Gjerga se megjithëse subjektet shqiptare nuk ishin plotësisht të bashkuara në zgjedhjet komunale të Tuzit, ata ishin të gëzuar për fitoren e Nik Gjeloshit.

Gjeka u shpreh se do të bëjë përpjekjet maksimale që subjektet shqiptare të dalin të bashkuar në një listë në zgjedhjet e përgjithshme që do të mbahen 11 qershor 2023.

“Kemi disa kryetarë subjektesh që pretendojnë se janë të lindur nga Zoti për të udhëhequr, kjo është në mendjen e shqiptarit. Në zgjedhjet që na presin nesër, që janë më të rëndësishme se këto sot për ne shqiptarët do ishte mirë që shqiptarët të bëheshin bashkë në një listë, gjë që do i bënte më të fuqishëm. Do ta japë kontributin maksimal për t’i bërë bashkë shqiptarët nesër”, tha Gjeka.

LEXONI GJITHASHTU:

• Mali i Zi zgjedh presidentin, beteja mes Gjukanoviç dhe Milatoviç në raundin e dytë
• Abazoviç mbështet rivalin e Gjukanoviçit: Mali i Zi do një president të ri