Shkrimtarja hap zemrën: Nuk do martohesha me burrin po ta dija se jemi kushërinj

Çifti nga Kolorado Celina dhe Joseph Quinones pas 17 vite së bashku, nga të cilat 10 vite martesë, zbuluan se kishin lidhje gjenetike dhe janë kushërinj.

Nëna e tre fëmijëve një ditë pati kuriozitet që të zbulonte diçka më shumë për rrënjët e saj dhe pësoi një tronditje të madhe kut zbuloi se Jozefi ishte kushëriri i saj.

Në një intervistë për Euronews Albania, Celina, e cila është shkrimtare, u shpreh se nuk do të martohej kurrë me burrin që është sot nëse do ta dinte se janë kushërinj.

“E kemi marrë vesh pasi i kishim lindur të tre fëmijët. Me fëmijën e tretë kam pasur komplikacion dhe pas tij vendosa të mos rrezikoja më me shtatzëninë. Qëllimi i publikimit të lajmit ishte që të rrisim disi ndërgjegjësimin për të bërë një test ADN. Për të qenë e sinqertë nuk mendoj se nëse do ta kishim ditur se jemi kushërinj do të ishim lidhur, e kemi diskutuar më parë. Nuk do të ishim martuar, po ta kishim ditur në atë kohë nuk do të ishim martuar në 2006”, tha shkrimtarja.

LEXONI GJITHASHTU:

• 17 vite si çift, ja si ia treguan 3 fëmijëve se mami dhe babi janë kushërinj
• Çifti i martuar me 3 fëmijë tregojnë si e zbuluan që janë kushërinj