I gjendet 41 mijë euro gjatë kontrollit fizik, procedohet i riu në Kapshticë

Policia Kufitare, në Kapshticë bën me dije se ka goditur një rast të mosdeklarimit të të hollave në kufi.

Gjatë aksionit u sekuestruan 41 250 euro dhe 41.500 lekë të rinj, si dhe u procedua penalisht poseduesi i tyre. Shuma e parave iu gjet gjatë kontrollit fizik të një pasagjeri që po udhëtonte me një kamion në dalje të Republikës së Shqipërisë.

Materialet në ngarkim të tij i kaluan Prokurorisë pranë Gjykatës së Shkallës së Parë Korçë, për hetime të mëtejshme.

“Shërbimet e Stacionit të Policisë Kufitare Kapshticë, në bashkëpunim me FRONTEX-in, në vijim të punës për parandalimin dhe goditjen e paligjshmërisë, në kuadër të kontrolleve të shtuara, bazuar dhe në analizën e riskut, në dalje të Republikës së Shqipërisë, kanë kaluar në vijën e dytë, për kontroll të imtësishëm, një automjet kamion me drejtues shtetasin O. P. dhe pasagjer shtetasin K. H., 34 vjeç, banues në Kamëz, Tiranë. Gjatë kontrollit fizik, 34-vjeçarit iu gjetën 41 250 euro dhe 41.500 lekë të rinj të cilat ai nuk i kishte deklaruar në kufi, siç e përcakton ligji. Shuma e parave u sekuestrua në cilësinë e provës materiale”, thuhet në njoftimin e policisë.

LEXONI GJITHASHTU:

• Bashkëjetonte me shqiptaren, sekuestrohen pasuritë e bosit turk të drogës në Tiranë
• EMRI| Sekuestrohet dyqani dhe mjeti luksoz i ‘të fortit’ të Durrësit
• Llogari qindra mijëra € dhe 8 apartamente, sekuestrohen pasuritë e narkotrafikantit