Eksperti akuza për INSTAT: Shifrat e qumështit janë më të ulëta sesa prodhohet

Të dhënat zyrtare nga INSTAT referuan se dega e bujqësisë qëndroi në vend-numëro vitin e kaluar, me zgjerim afër 0.06%, ndërsa në vitin 2021 sektori u zgjerua me 1.8%.

Kjo është ecuria më negative e bujqësisë, që prej vitit 1997, kur vendi ishte në kaos për shkak të trazirave të piramidave.

Eksperti i bujqësisë Kristaq Bërxholi, është shprehur kritik për shifrat e publikuar nga INSTAT në lidhje me sasinë e qumështit.

I ftuar në emisionin “Good Morning Albanians” në Euronews Albania ai tha se sasia e qumështit e nxjerrë nga INSTAT është në mospërputhje me atë të numrit të bagëtive të në vendin tonë.

Sipas tij sasia e qumështit është më e vogël sesa ajo që prodhohet.

“Me shifrat e INSTAT nuk jam aspak dakord për prodhimin e qumështit, i ka të papërputhshme më njëra-tjetrin. Por po të marrësh numrin e krerëve me rendimentin msatar që ka nxjerr INSTAT, nuk përputhen me qumështin. Herë i bie më shumë herë më pak. Ajo ishte më pak sesa nxjerrim ne në të vërtetë.  Nuk i kanë bërë mirë llogaritë dhe këtë ua kam thënë dhe hapur”- tha ai.

LEXONI GJITHASHTU: 

• Ekstradohen nga Italia e Greqia, drejt Shqipërisë, 3 persona të shpallur në kërkim
• Spahiu rrëfen takimin sekret me Azem Hajdarin e Ahmet Krasniqin para se të vriteshin