“Vuçiç ushqen nacionalizëm ekstrem”, Koraç: Mjafton të thuash s’e jap Kosovën dhe…

Ish-zv.kryeministri i Serbisë Zharko Koraç tha në një intervistë për emisionin Balkan Talks në Euronews Albania në 11 vitet e tij në pushtet presidenti i Serbisë Aleksandër Vuçiç po ushqen nacionalizëm ekstrem kundër Kosovës.

Sipas tij në Serbi mënyra më e sigurt për t’u bërë lider politik, një person i rëndësishëm politik, është të flitet për Kosovën dhe të thuhet që nuk e jap Kosovën.

“Vuçiçi po e ushqen nacionalizmin ekstrem kundrejt Kosovës. Kohët e fundit kam thënë në një nga të paktat medie liberale, tek e përditshmja “Danas”, kam thënë që mënyra më e sigurt për t’u bërë lider politik, një person i rëndësishëm politik, është të flitet për Kosovën dhe të thuhet që nuk e jap Kosovën. Është shumë e rrallë në politikë nëse e gjen këtë tjetërkund nëpër botë. Mjafton ta bësh këtë deklaratë dhe të bëhesh i famshëm. Vuçiçi s’po e ndryshon të shprehurit për Kosovën, por duhet të jemi pak të kujdesshëm. Ai do të prezantojë këtë marrëveshje sikur nuk e njeh pavarësinë e Kosovës, por sikur po zgjidh, si ta themi…”, tha Koraç.