Spahiu: Sa më shumë pasurohen Rama-Meta-Berisha, aq më shumë i do populli

Juristi Kreshnik Spahiu është shprehur se sa më shumë pasurohen Kryeministri Rama, ish-kryeministri Sali Berisha dhe kreu i PL-së Ilir Meta, aq më shumë i do një pjesë e popullit.

Në një intervistë për Euronews Albania, ai tha se njerëzit që i votojnë liderët e tyre e dinë se sa të korruptuar janë.

Sipas Spahiut korrupsioni demonstrohet hapur në Shqipëri.

“Ne nuk kemi një kulturë denoncuese si shoqëri. Ne denoncojmë nëpër tavolina. Jemi një shoqëri konformiste. Korrupsioni shndërrohet në normalitet. Ajo pjesë që i voton liderët e tyre e di shumë mirë që liderët e tyre janë të korruptuar por ua pranojnë ato.

Thonë se janë me Berishën se është më pak i korruptuar se Rama dhe anasjelltas. Në Shqipëri korrupsioni demonstrohet që do të thotë këta liderë politikë me arrogancën e tyre e demonstrojnë hapur luksin. Me makina të blinduara, me vila luksoze. Pavarësisht kësaj kjo nuk ua ulë respektin e mbështetësve, ua rrit autoritetin. Kjo është unike. Sa më i varfër populli, aq më shumë e do liderin e korruptuar”- tha ai.

LEXONI GJITHASHTU: 

• “Hapini zemrat!”- Papa Françesku bën thirrje që lufta në Ukrainë të marrë fund
• “Migenën e kisha si vajzë”, e ëma e 43-vjeçarit që vrau kunatën: Landi s’punonte