VIDEO| Përgatitjet për hapjen e fushatës së PS, lahet statuja e kalit të Skënderbeut

Partia Socialiste hap këtë të martë fushatën elektorale për zgjedhjet lokale të 14 Majit.

Organizatorët kanë menduar si ambient për mbajtjen e ceremonisë për nisjen e fushatës lulishten pranë sheshit Skëndërbej.

Euronews Albania ka mundur të sigurojë edhe pamje nga përgatitjet që po kryhen për ceremoninë që pritet të mbahet në orën 18:00.

Përgatitjeve nuk i ka shpëtuar as statuja e kalit të Skënderbeut në qendër, e cila si rrallëherë po lahet nga organizatorët.

Ndryshe nga fushatat e tjera, më herët vetë kryeministri Rama ka deklaruar se selia rozë këtë vit do të ketë një fushatë ndryshe, ku në fokus të saj do të jenë mbjelljet e pemëve.

Për këtë, edhe e marta pasdite nuk do të jetë një hapje tradicionale e fushatës; por pas një fjale të kryeministrit dhe prezantimit të kandidatëve, do të mbillen pemë.

LEXONI GJITHASHTU:

• PS hap sot fushatën elektorale, ja ku pritet të mbahet ceremonia
• Beteja për zonat “problematike” në Korçë, si po nis fushata elektorale
• Porti, hekurudha dhe të pakënaqurit nga ‘tërmeti’/ Si po nis fushata në Durrës?