Inter përmbys Torinon, Roma mposht lehtësisht Parmën

Inter fitoi me përmbysje 4-2 përballë Torinos dhe mori tri pikë mjaft të rëndësishme. Një ndeshje që nuk nisi aspak mirë për skuadrën e drejtuar nga Antonio Conte që e pa veten në avantazhin e dy golave.

Megjithatë “Zikalktrit” nuk u dorëzuan dhe ia dolën të reagonin shpejt fillimisht duke ngushtuar diferencën me Sanchez ndërkohë që Lukaku riktheu baraspeshën.

Në dhjetë minutat e fundit Torino e humbi orientimin dhe nga kjo përfitoi Inter që realizoi edhe dy herë të tjera duke mbyllur llogaritë e takimit. Një sukses mjaft i rëndësishëm ky për “Zikaltrit” pasi kishin dy ndeshje që nuk arrinin të fitonin.

Ndërkohë që Roma nuk e pati aspak të vështirë përballë Parmës. Kryeqytetasit fituan me rezultatin e pastër 3-0. Të tre golat u realizuan në pjesën e parë ndërkohë që në fraksionin e dytë “Verdhekuqtë” ia dolën të administronin rezultatin duke kursyer energji edhe për ndeshjet e radhës.