Në kërkim që prej 2021, arrestohet 28-vjeçari që kultivonte kanabis

Policia e Vlorës ka njoftuar se është arrestuar një 28-vjeçar i cili ishte i shpallur në kërkim. I riu me inicialet H.C., banues në fshatin Gorisht të Vlorës ishte bashkautor i një rasti kultivimi të bimëve narkotike, të kryer në vitin 2021, në një zonë të pyllëzuar.

“Në vijim të punës për lokalizimin dhe kapjen e shtetasve të kërkuar për vepra të ndryshme penale, shërbimet e Stacionit të Policisë Selenicë, në bashkëpunim me Forcën e Posaçme Operacionale të DVP Vlorë, me mbështetjen e inteligjencës informative, kapën dhe ndaluan shtetasin e shpallur në kërkim:

1. C., 28 vjeç, banues në fshatin Gorisht, Vlorë.

28-vjeçari ishte shpallur në kërkim pasi Gjykata e Rrethit Gjyqësor Vlorë i ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

Nga veprimet hetimore ka rezultuar se 28-vjeçari i ndaluar, në bashkëpunim me shtetasin H. C. (të vënë në pranga me herët nga Policia), në vitin 2021, ka kultivuar bimë narkotike cannabis sativa, në një zonë të pyllëzuar, në fshatin Hadëraj, Selenicë”,-thuhet në njoftimin e policisë.

LEXONI GJITHASHTU:

• Osmani pret sot Abazoviçin, kryeministri malazez e mbyll vizitën në Pejë
• Ndahet nga jeta në moshën 46-vjeçare kitaristi i grupit “The Script”
• Heqja e “20% për shqipen”, Osmani: Mos ta kushtëzojmë me njohjen e pakicës bullgare