Ndreu i kundërpërgjigjet Berishës: Neveri! Kërkon të përfitojë nga ngjarja tragjike

Pas reagimit të Sali Berishës i cili për ekzekutimin e biznesmenit Ardian Nikulaj në Shëngjin bën përgjegjës qeverinë, ka reaguar edhe kryebashkiaku i Lezhës Pjerin Ndreu.

Ndreu i cili është sërish kandidat i Partisë Socialistë për bashkinë e Lezhës, shkroi në profilin e tij në Facebook se ndien neveri kur lexon të tilla lajme me argumente të pavërteta. Sipas tij politika e Berishës është me gjak dhe morali i opozitës që do të përfitojë politikisht nga kjo ngjarje tragjike, ka prekur fundin.

“Që politika e Sali Berishes është me gjak, kjo dihet tashmë, por që të shkojë deri në këtë pike s’më kishte shku mendja!

Të sugjeruar nga politika lokale opozitare që do të përfitojë politikisht në kurrizin e një ngjarje tragjike, morali ka preke fundin!

Ndjej neveri për këto fundërrina qe prodhojnë këto lajme palaçosh, me argument te pavërteta dhe me deduksione kriminale vetëm për një grusht vota! Kaq për këto faqezinj!”,-shkruan Pjerin Ndreu.

LEXONI GJITHASHTU:

• Berisha për vrasjen në Shëngjin: Mbrojtësit e qeverisë kryen ekzekutimin e radhës
• Euronews siguron foton ku vrasësi i biznesmenit largohet me motor me targa të huaja
• Vrasja e babë e bir, GJKKO dënon me burgim të përjetshëm Florenc Çapjan