“3500 euro vetëm të vijë një filipinez për punë në Shqipëri”, ekspertja: S’e kuptoj

Ekspertja e turizmit, Gladiola Dona tha në një intervistë për “Good morning Albanians” në Euronews Albania se nuk i gjen arsye marrjes së punonjësve filipinez në Shqipëri.

Sipas saj nuk leverdis të sjellësh punonjës nga Filipinet për shkak të kostove që kanë.

“Mesa di është diku te 3500 euro vetëm ta sjellësh, që janë kosto të agjencisë, fluturimit, rruga e të gjitha. Sigurisht do dojë dhe pjesën e akomodimit, ushqimi gjithashtu. Rroga fillon nga 500 euro deri në 800, 1 mijë ndonjëherë kur janë specialistë,” – u shpreh Dona.

Ajo tregoi se ka raste kur i marrin dhe çift sepse duan që të jenë më të qëndrueshëm, por në pjesën më të madhe të rasteve janë beqarë.

“Sa aftësi duhet të ketë një staf sanitaresh që të jetë kaq e shtrenjtë dhe kaq e vështirë për t’u kapur? Ne nuk po flasim për inxhinierë apo IT që industria vërtetë nuk po i prodhon këtu,” – u shpreh Dona, ndërsa shtoi se pronarët pranojnë të paguajnë shifra të mëdha për të pasur një staf të bindur, ose “kokëulur” siç i dëgjon shpesh të thonë.

LEXONI GJITHASHTU:

• Mungesa e fuqisë punëtore në Shqipëri, ekspertja: I marrim nga jashtë familjarisht
• ‘Moll sherri’ një vajzë, si u vra 20-vjeçari në Tiranë. Autorët i bën pritë pas pune