VIDEO| Droni ‘fundos’ pronarin e banesës, i gjen në oborr fidanët e kanabisit

Nëpërmjet përdorimit të dronit, policia ka mundur të gjejë disa fidanë kanabisi të kultivuara në kubikë, brenda një banesë në Rrëshen.

Policia ka mundur të arrestojë në flagrancë dhe pronarin e banesës, i cili dyshohet se është dhe autori i dyshuar i këtij rasti kultivimi të drogës.

Fidanët e dyshuar narkotikë, në kubikë, u sekuestruan në cilësinë e provës materiale.

Ndërkohë që materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme.

“Në zbatim të planit operacional mbarëkombëtar, të hartuar nga Drejtoria e Përgjithshme e Policisë së Shtetit, për intensifikimin e kontrolleve, me shërbime të shtuara dhe logjistikë bashkëkohore, me qëllim parandalimin dhe goditjen e tentativave që në fazë fillestare, të kultivimit të bimëve narkotike, shërbimet e Komisariatit të Policisë Kurbin, në kuadër të operacionit policor të koduar “Imazhi”, kanë goditur një rast tjetër të kësaj veprimtarie kriminale.

Si rezultat i kontrolleve në kuadër të këtij operacioni, përmes përdorimit të dronit, u konstatuan në kubikë, 94 fidanë të dyshuar narkotikë kanabisi, të fshehur pas banesës së shtetasit V. C., i cili u arrestua në flagrancë si autor i dyshuar i këtij rasti kultivimit”, njofton policia.

LEXO GJITHASHTU:

• Kushërinjtë 20 dhe 19-vjeç qëllohen me thikë, transportohen të dy në spital
• VIDEO| I qetë dhe me shikim ngulitës, del në gjykatë një nga vrasësit e 20-vjeçarit
• “Mjeti i mbushur me birra” -Ekspertiza e aksidentit në Poliçan: 15-vjeçari i dehur