Kampioni shpallet në Vlorë, Flamurtari mposht Tiranën 1-2 në futbollin e sallës

Finalja e dytë e futbollit të sallës mes Tiranës dhe Flamurtarit është fituar nga vlonjatët, duke e bërë trofeun që të presë edhe pak ditë deri sa të gjejë pronar.

Përballja e zhvilluar në Asllan Rusi tregoi dy skuadra krejt ndryshe nga ndeshja e zhvilluar në qytetin bregdetar, aty ku bardheblutë triumfuan me rezultatin 3-9.

Ndeshja në kryeqytet ishte me shifra të bardha deri pak minuta para fundit. Një aksion i bukur i Flamurtarit që u konkretizua me gol, ndërsa më pas ishin bardheblutë që barazuan me kapitenin Kaca me penallti. Kur gjithçka u duk se mbaroi, Flamurtari i hedhur drejt sulmit gjeti dhe golin e dytë, që vulosi fitoren 1-2.

Trajneri i Flamurtarit Mario Kalus u shfaq i lumtur në fund të sfidës, ndërsa pohoi se skuadra e tij dhe shpirtin në fushë.

“Futbolli prandaj është i bukur. Në Vlorë luajtëm mirë, Tirana na goditi me kundër-atak. Këtu nuk kishim çfarë humbnim, dhamë 100% dhe fituam”, tha Mario Kalus, trajner i Flamurtarit

Vlonjatët kanë një ekip solid dhe ishin të bindur për fitoren, pohon dhe futbollisti Lorenc Shehaj.

“Në ndeshjen e dytë nuk ndryshoi asgjë, vetëm shpirti i garës bëri të fitonim. Ishim të bindur që kur humbëm atje, që këtë ndeshje do e fitonim. Jemi ekip solid, çunat kanë luajtur futboll. Tani mbetet për t’u parë ndeshja e fundit”, u shpreh Lorenc Shehaj, lojtar i Flamurtarit,

Gjatë përballjes nuk munguan as nervozizmat, ndërsa efektivët e policisë shoqëruan jashtë pallatit të sportit njërin prej tifozëve vlonjatë.

Fituesi i kampionatit kombëtar të futsallit do të vendoset në Vlorë, në finale e tretë që luhet më 30 prill.

LEXONI GJITHASHTU:

• Shoqërohet me tension përballja Tirana-Flamurtari, ndërhyn policia
• Flamurtari e nis mbarë, vajzat vlonjate mundin Partizanin në basketboll