Eksperti: Fjalëkalimet me 4, 8 apo 12 karaktere nuk janë më të sigurta

Eksperti i sigurisë kibernetike Sali Cengu tha për “Good Morning Albanians” në Euronews Albania se fjalëkalimet me 4,8, apo 12 karaktere nuk janë më të sigurt.

sipas tij kjo vjen pasi fuqia e hakerave është rritur dhe ata përdorin një teknologji e cila për pak kohë mund të zbërthejnë edhe fjalëkalimet më të komplikuara.

“Siç e përmenda fuqia e hakerave është rritur, ata përdorin një teknologji që njihet me emrin “botnet” është një rrjet që përmban qindra, mijëra kompjuterë, të cilët të sinkronizuar me njëri –tjetrin arrijnë të thyejnë password-e tepër të komplikuar.

Ndaj siç e përmenda edhe më herët password-et që janë alpha numerik, me 4, 8 apo 12 karaktere nuk konsiderohen më të sigurta, pasi mund të thyhen për punë orësh. një nga zgjidhjet mund të jetë zëvendësimi i password-it, me një frazë që për trurin e njeriut është i lehtë për t’u mbajtur mend”,-tha eksperti i sigurisë Sali Cengu.

LEXONI GJITHASHTU:

• Fjalëkalimet zbulohen 8 herë më lehtë se vitin e kaluar, çfarë sugjerojnë ekspertët
• Eksperti zbulon sekretin: Ja kombinimet që hakerat të mos thyejnë fjalëkalimin