Me pistoletë dhe kokainë në makinë, arrestohet në flagrancë 27-vjeçari

Një 27-vjeçar është arrestuar në flagrancë pasi në automjet ju gjetën pistoleta dhe  një sasi kokaine. Ai ishte duke udhëtuar drejt Vlorës në momentin kur u kap nga policia.

Policia kishte infromacione për lëvizjen e 27-vjeçarit të armatosur. Dyshohet se ai po udhëtonte i armatosur drejt Vlorës, për t’u konfliktuar me familjarët e bashkëshortes së tij, në banesën e të cilëve jetonte prej disa kohësh edhe bashkëshortja e këtij shtetasi

Sipas informacioneve atij i janë sekuestruar arma e zjarrit pistoletë dhe sasia e lëndës narkotike kokainë.

“Në kuadër të operacionit “Alert”, në autostradën e Vlorës, shërbimet e Policisë kanë ndaluar për kontroll automjetin tip “Porsche”, me drejtues shtetasin A. Y. Gjatë kontrollit në këtë automjet është gjetur një armë zjarri pistoletë tip “Zastava” dhe një sasi lënde narkotike kokainë, të cilat u sekuestruan në cilësinë e provës materiale, së bashku me automjetin që drejtonte ky shtetas.

Nga hetimet paraprake dyshohet se shtetasi A. Y. po udhëtonte i armatosur drejt Vlorës, për t’u konfliktuar me familjarët e bashkëshortes së tij, në banesën e të cilëve jetonte prej disa kohësh edhe bashkëshortja e këtij shtetasi.

Në vijim të veprimeve procedurale për këtë rast, u arrestua në flagrancë shtetasi A. Y, 27 vjeç, banues në Fier, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.

Materialet procedurale i kaluan Prokurorisë  pranë Gjykatës së Rrethit Gjyqësor Vlorë, për veprime të mëtejshme”,-thuhet në njoftimin e policisë.

LEXONI GJITHASHTU:

• Me pistoletë dhe kokainë në makinë, arrestohet në flagrancë 27-vjeçari
• I veshur si gorrilla në rrugë! Polici anglez: Jam krenar se ashtu u bëra i famshëm