Man City nuk e realizon dot ‘hakmarrjen’ ndaj Realit, Haaland totalisht në hije

Kualifikimi do të vuloset në Angli, në çiftin Real Madrid-Mancester Siti. Përballja e luajtur në Bernabeu nuk pati fitues, me skuadrat që shënuan nga një gol secila. The cityzens e nisën më mirë sfidën duke u treguar euforikë, por pa llogaritur se përballë vinin ekspertët e këtij kompeticioni.

Goli që zhbllokoi rezultatin do të vinte në minutën e 36’, ku Vinicius Zhunior mori një top nga Kamavinga e duke sulmuar portën kundërshtare, goditi saktë dhe mposhti portierin Ederson. Minutat në vijim anglezët do të ishin edhe më kërkues, duke rrezikuar disa herë katërkëndëshin e Kurtua.

Goli i barazimit do të vinte në minutën e 67’ të përballjes, ku Gundogan shërbeu De Brojn, me belgun që dërgoi një predhë drejt portës së madrilenëve, me Kurtua të dorëzuar. Përballja u shoqërua dhe me kartona të verdhë e kontestime të vendimeve të gjyqtarit kryesor, ku sipas spanjollëve u tregua i kursyer me lojtarët e Manchester Cityt. Tanimë kualifikimi do të vendoset në Etihad më 17 maj.

LEXONI GJITHASHTU:

• Derbi Italisë për finalen e Champions, Interi synon të thyejë tabunë
• “Udhëtimi që i kushtoi rëndë”- PSG pezullon Messin
• Messi te Barcelona? Presidenti i La Ligas sqaron situatën