Messi te Barcelona? Presidenti i La Ligas sqaron situatën

Tanimë nuk është sekrete që Lionel Messi nuk do ta vazhdojë të ardhmen e tij me Paris Saint-Germain.

Superylli argjentinas ka vendosur përfundimisht që të largohet nga PSG, dhe nuk është i interesuar që të nënshkruajë asnjë marrëveshje të ofruar nga kampioni francez, raporton KosovaPress.

Sigurisht, garën për të siguruar shërbimet e Messit po e udhëheq ish-klubi i tij, Barcelona, por që kjo e fundit për ta bërë këtë gjë duhet të shes disa lojtarë.

Këtë gjë e konfirmoi edhe presidenti i La Ligas, Javier Tebas, i cili e sqaroi situatën aktuale për Lionel Messin që të rikthehet te Barcelona.

“Nëse Barcelona nënshkruan me Messin, mund t’iu them që paga e tij do të jetë më e ulët se ajo aktuale që është momentalisht te PSG”, tha Tebas.

“Rikthimi i tij është i kushtëzuar në shitjen e lojtarëve, ata thonë se do të shesin lojtarë dhe mendimi im është që Barça do të përfitojë një shumë të konsiderueshme nga shitja e lojtarëve këtë verë”, shtoi më tej Tebas.

Barça po mundohet që të gjejë një zgjidhje me La Ligan sa i përket Financial Fair Play, ndërsa propozimi i Al Hilal është 400 milionë në sezon siç ishte bërë e ditur para një muaji.

Po ashtu, interesim në Messin ka shprehur edhe skuadra amerikane, Inter Miami.

LEXONI GJITHASHTU:

• Oferta e “çmendur” për Messin nga Arabia Saudite, argjentinasi i jep duart PSG-së
• PSG pezullon Messin