“Pse s’flasin për zemrën?” Këlliçi: Korrupsionit sot i tregoj gishtin, nesër prangat

Kandidati për bashkinë e Tiranës Belind Këlliçi tha për emisionin “Now” se posterat e tij me gishta u komentuan aq shumë sa u ngritën edhe organizata jo qeveritare dhe institucionet fetare kundër.

Sipas tij e gjithë kjo u bë për të shmangur vëmendjen nga ajo që vetë posteri thoshte, por siç tha ai duke qenë se tani është kandidat nuk mund t’i tregojë prangat korrupsionit, ndaj i tregon gishtin, për të treguar se korrupsionin do e luftojë pa asnjë etikë.

“Korruspionit për momentin nuk i tregoj dot prangat. Unë sot si kandidat nuk i tregoj dot prangat. Unë nxora këtë poster, u shpikën urdhër psikologu, xhamitë e Tiranës, organizata jo qeveritare, kundër diskriminimit, kundër racizmit, që nuk thanë asnjë fjalë kur kryeministri u nxori gishtin fëmijëve.

Është propagandë aq e fortë sa do të shmangë vëmendjen. Unë i dyfishova posterat. po nuk ka qenë vetëm ky. unë gishtin e kisha për korrupsionin, por u drejtova zemrën qytetarëve, pse nuk flasin për zemrën këta? Zemrën e kisha për Tiranën, ndërsa korrupsionin në bashki do e trajtoj me zero tolerancë dhe pa asnjë kod etike. Tani janë te gishti, pastaj kalojmë te prangat”,-tha Belind Këlliçi në Euronews Albania.

LEXONI GJITHASHTU:

• “Çdo ditë me lajme të pavërteta”, Këlliçi: Më nxorën pa shkollë, rom dhe grek
• Refuzuan të hiqnin emblemën ruse, spektatorët e xhudos dëbohen nga kampionati