“Berisha mund ti ndihmoj demokratët të bashkohen”, Çollaku analizon situatën në PD

Deputeti demokrat Kreshnik Çollaku teksa analizoi zgjedhjet e 14 majit, tha se bashkimi i demokratëve duhet të ndodhë me patjetër në mënyrë që të mos cenohet marrëdhënia me SHBA.

Në një intervistë për Euronews Albania, ai theksoi se një rol shumë të rëndësishëm në bashkimin e demokratëve mund të luajë Sali Berisha.

Sipas tij shpallja e tij ‘non grata’ nga amerikanët, izoloi marrëdhënien me SHBA-në.

“Fjalë janë thënë, akuza janë lëshuar, por ne duhet të ballafaqojmë të vërtetën. Ka nëj realitet tjetër në PD që nuk e zgjidh asnjëra palë politike. Nuk është një realitet që e prodhuan palët brenda PD. Berisha mbetet në një marrëdhënie ta sanksionuar nga SHBA. Një parti e drejtuar nga një person i shpallur “Non Grata” nga SHBA, izolohet në marrëdhënie me komunikimin me SHBA. Pavarësisht se sot do ketë retorika, por në thelb këtu ishte ndarja. Marrëdhënia e PD mes SHBA duhet të jetë e pacenueshme, qoftë dhe kur bëhet fjalë dhe për njeriun më të rëndësishëm të historisë siç është Berisha. Berisha ka në dorë shumë, mund t’i ndihmoj demokratët.

Berisha duhet të ndihmoj bashkimin e demokratëve. Nëse ky vullnet ndodh tjerat mund të bëhen “- tha ai.

LEXONI GJITHASHTU:

• A do të rikthehet Basha në PD? Përgjigjet Kreshnik Çollaku
• Zgjedhjet e 14 Majit, Balla: Janë pranuar nga palët, nuk ka asnjë vërejtje