Publikohen exit-pollet pas zgjedhjeve në Greqi, projeksionet kush do të jetë fituesi

Një fitore e qartë dhe e gjerë e Demokracisë së Re ndaj SYRIZA-s pasqyrohet në exit poll-et që u publikuan menjëherë pas mbylljes së qendrave të votimit në të gjithë Greqinë në orën 19 të së dielës.

Exit poll-i i përbashkët i miratuar nga të gjitha kompanitë e sondazheve dhe të gjitha stacionet televizive tregon se epërsia e ND ndaj SYRIZA- s mund të arrijë në 11 pikë përqindje në zgjedhje.

Sipas exit poll-it të përbashkët, Demokracia e Re pritet të marrë nga 36% deri në 40%. SYRIZA po lëviz në nivele shumë më të ulëta nga 25% në 29% që me të dhënat e kësaj ore duket të jetë përqindja maksimale për partinë e Alexis Tsipras.

PASOK/Lëvizja për Ndryshim del si forcë e tretë me përqindje nga 9.5% në 12.5%. KKE pritet të mbledhë përqindje nga 6% në 8%. Zgjidhja greke është regjistruar me norma nga 3.5% deri në 5.5%.

LEXONI GJITHASHTU: 

• Zgjedhjet në Greqi, fermeri shkon për të votuar së bashku me kalin dhe gomarin
• Kush i fiton zgjedhjet në Greqi, gjysmë milionë të rinj votojnë për herë të parë