Balluku inspekton Rrugën e Arbrit: Ja pse po zgjasin punimet në tunelin e Murrizit

Zv. kryeministrja Belinda Balluku njëherazi ministre e Infrastrukturës dhe Energjisë ka inspektuar punimet në tunelin e Murrizit.

Ajo ka treguar se përse edhe pas kaq shumë vitesh, duke qenë se punimet kanë nisur në 2018-tën ende nuk është përfunduar si projekt.

“Tuneli i Murrizit ka qenë një nga problematikat më të mëdha që ne kemi hasur, e kemi komunikuar dhe këtë publikisht për të sqaruar qytetarët pse ka pasur shtyre vendimmarrje nga ana e Këshillit Teknik të ARRSH-së dhe nga ministria e Infrastrukturës dhe Energjisë, pasi këtu gjendemi në shtresa gjeologjike argjilore dhe sigurisht Murrizi njihet si baseni ujor i Tiranës, kjo ka qenë dhe arsyeja pse Tirana është ngritur si qytet në një zonë të afërt me burime natyrore ujore kaq të pasura. Kur ka nisur puna janë përballur me katarakte të tëra uji që binin mbi shtresat argjilore duke i shkrirë ato,” – u shpreh Balluku.

Sipas saj gjeologjia komplekse ka çuar në përballjen me situata që kanë marrë më shumë kohë nga sa ishte parashikuar.

Tashmë ka ngelur dhe procesi i betonimit, ku në tunelin kryesor ky proces ka ecur me ritme më të shpejta.

LEXONI GJITHASHTU:

• Balluku inspekton punimet në tunelin e Llogarasë: Do përfundojë në 2024
• Balluku në aksin Orikum-Dukat: Infrastruktura nuk bëhet për arsye elektorale