Dita e katërt e protestës, policia shpërndau protestuesit me gaz lotsjellës, shoqërohen disa persona

Për të katërtën ditë radhazi në rrugët e kryeqytetit vijoi protesta për vrasjen e Klodian Rashës.

Ndonëse më të paktë në numër, nuk mungoi një marshim i protestuesve në bulevardin kryesor, edhe pse masat e marra nga Policia e Shtetit ishin të rrepta dhe bënë që protesta të mos kishte shumë incidente krahasuar me ditët paraardhëse.

Forcat e rendit ishin pozicionuar në hyrje të rrugëve kryesore, ku me gaz lotsjellës dhe botët me ujë i shpërndanë grupimet e protestuesve.

Por, edhe në ditën e katërt nuk munduan shoqërimet e disa prej tyre.

Rreth 1000 forca policie kishin marrë masat për të shmangur afrimin e protestuesve në institucionet shtetërore, si dhe drejtorinë e policisë. Të angazhuarit për mbajtjen e rendit pas protestës kanë nisur kontrollet në rrugicat e Tiranës, për të evidentuar protestuesit të cilët nuk jnë larguar.

Ndërkaq, mesditën e së shtunës, gjykata e Tiranës ka lënë në masën e sigurisë “arrest shtëpie” 3 protestuesit e arrestuar në ditën e parë të protestës.

Po ashtu policia ka njoftuar se janë shoqëruar dhe 25 persona për protestën e së premtes, ndërsa u proceduan në gjendje të lirë 130 të tjerë.

Lexoni gjithashtu:

Nuk lejohet grumbullimi, policia rrethon dhe fut në kurth protestuesit duke përdorur gaz lotsjellës. Dhjetëra të shoqëruar