“Arrestimi i zyrtares së MSH është arritje”, Balla: Urdhrat e Prokurorisë zbatohen

Kreu i grupit parlamentar, Taulant Balla u tha deputetëve të opozitës se nuk duhet të merren me të arrestuarit, pasi ata i janë dorëzuar drejtësisë.

Ai tha se e konsideron arritje arrestimin e sekretares së përgjithshme të ministrisë së shëndetësisë Joana Duro, e cila akuzohet për korrupsion, pasi siç u shpreh ai kjo tregon se urdhrat e prokurorisë zbatohen.

“Hiqni dorë nga kjo historia që vini këtu e thoni, sekretarja e përgjithshme, sekretarja e përgjithshme është në burg dhe përgjegjësitë juridike, penale, janë personale.

Për mua është arritje që arrestohet një sekretar i përgjithshëm pasi koha kur nuk zbatoheshin urdhrat e Prokurorisë, kanë kaluar. E mbani mend për vrasje, lëshonte prokuroria urdhër për komandantin e gardës dhe nuk zbatohej urdhri”,-tha Taulant Balla.

LEXONI GJITHASHTU:

• Pranga sekretares së MSH për korrupsion, Hoxha: S’do guxonte pa lejen e eprorëve
• Tritan Shehu kërkon mocion me debat për gjenocidin serb: Mbi Kosovën u ushtrua dhunë