Tritan Shehu kërkon mocion me debat për gjenocidin serb: Mbi Kosovën u ushtrua dhunë

Deputeti Tritan Shehu tha në seancën plenare të mbajtur këtë të hënë se qeveria jonë nuk ka guximin e duhur për të dënuar gjenocidin serb. Ai dhe një grup deputetësh kanë paraqitur kërkesë për të mbajtur një mocion me debat, por duket se kjo nuk është pranuar.

Shehu tha se seanca e sotme planare duket sikur po bëhet në një parlament në mars apo jupiter dhe jo në një parlament shqiptar, pasi nuk po flitet për shqiptarët e dhunuar në Kosovë.

“Ne vazhdojmë me shkelje të rënda të procedurës së rregullores në këtë parlament. Mblidhemi këtu sikur të jemi parlamenti i marsit dhe jupiterit dhe jo parlamenti shqiptar. Një grup deputetësh kemi paraqitur një kërkesë për një mocion me debat për gjenocidin serb në Kosovës. Ende nuk është marrë në konsideratë.

Sot kur ngjarjet kanë precipituar dhe ata që janë përgjegjës për gjenocidin në Kosovë sot kërkojnë të veshin petkun e qengjit. Mbi popullin e Kosovë u realizuar një dhunë dhe pa dënuar vrasjen e krimin, nuk kemi të drejtë të flasim dhe të kërkojmë drejtësi. Serbia nuk e njeh gjenocidin dhe vijon të tallet”,-tha Tritan Shehu.

LEXONI GJITHASHTU:

• Sula- Manastirliut: Keni krijuar grup parlamentar në burg, do vi dita që ta paguani
• Debati për Duron, Braçe në Kuvend: U vranë njerëz në bulevard e s’foli njeri