“Zgjedhës fantazmë më 14 maj”, Berisha sërish akuza qeverisë për zgjedhjet lokale 

Sali Berisha vijon të hedhë akuza për mazhorancën se ka manipuluar zgjedhjet lokale të 14 majit. Edhe këtë të hënë nga foltorja e kuvendit, kreu i rithemelimit në partinë demokratike tha se në zgjedhje kishte qytetarë që votuan më shumë e një herë.

“U përdorën zgjedhësit fantazmë apo zgjedhësit që votuan potencialisht mbi një herë, dy apo tre herë në qytete dhe vende të ndryshme. Ishin në total 547 mijë të tillë,” – u shpreh Berisha.

Ishte kreu i grupit parlamentar të PS-së, Taulant Balla ai i cili ju përgjigj Berishës. Balla i tha Berishës që të japë dorëheqjen pasi nuk e votoi edhe Tropoja.

“Humbjen e Tropojës ta konsiderosh si përfundimin e karrierës tënde në politikë dhe të lëshosh mandatin dhe të ikësh njëherë e përgjithmonë nga kjo sallë,” – deklaroi Balla.

Edhe në kuvend, Berisha bëri thirrje për protesta, por pa dhënë detaje të një datë të mundshme të mbajtjes së saj. 

LEXONI GJITHASHTU:

• Berisha thirrje nga Kuvendi: Ka vetëm një rrugë, protesta, protesta e vetëm protesta
• Lirimi i Saimir Tahirit, Berisha: Urdhëri i Ramës, ultimatumit i erdhi fundi