1/3 e ndërmarrjeve në Shqipëri menaxhohen nga gratë

Vitet e fundit gratë në rolin e sipërmarrëses  po bëhen gjithmonë e më të shumta në numër. Të dhënat e publikuara nga INSTAT nxjerrin në pah se gratë zotërojnë 31,2% të ndërmarrjeve që janë në Shqipëri.

Ajo çfarë bie në sy është se në shumicën e rasteve, bizneset e drejtuara nga gratë kanë 1 deri në 4 të punësuar.

Ato janë kryesisht të fokusuara në “Tregti” dhe “Shërbime të tjera” ku dhe shënohet pjesëmarrja më e lartë të grave në vendimmarrje, respektivisht me 34,2% dhe 40,2%.

Sipas statistikave gratë përbëjnë 47% të të punësuarve në total dhe sektori me përfaqësimin më të ulët të tyre është ai i ndërtimit me 17%.

Tirana dhe Elbasani janë dy qarqet ku janë të përqendruar më shumë se gjysma e ndërmarrjeve dhe ku janë të punësuar 64% e të punësuarve gjithsej.

LEXONI GJITHASHTU:

• 20 vite që kujdeset për lulet, thirrja e sipërmarrëses për qeverinë
• Përpunimi i kallamit nga artizanët, sipërmarrja për krijimin e çadrave të plazhit