Gashi: Propozimi i Ramës i befasueshëm, e bëri draftin pa u konsultuar me Kurtin

Avokati Tomë Gashi ka komentuar draftin e asociacionit të propozuar nga kryeministri Rama për komunat me shumicë serbe në veri.

Në një intervistë për Euronews Albania, Gashi theksoi se nuk e kupton pse Rama e bëri publike draftin dhe se cila ka qenë arsyeja që ai u përfshi në këtë çështje, e cila i takon vetëm Serbisë dhe Kosovës.

Ndër të tjera ai shtoi se Rama nuk e ka konsultuar as me Kurtin këtë draft.

“Duket se Rama ka bërë një ujdi për draftin. Unë nuk e kuptoj pse e bëri publike Rama draftin që i ka dërguar ndërkombëtarëve kur dëshiron që të ndihmoj me kaq zjarr Kosovën.

Cila ishte arsyeja që Rama bëri publike dhe cila është arsyeja që u përfshi në këtë çështje që është mes Kosovës dhe Serbisë. Si është e mundur që ky të bëjë gjëra të tilla pa e konsultuar me Kurtin. Është jo normale. Ramës kjo nuk i është kërkuar nga Kosova, nuk i është kërkuar nga askush siç ai deklaron. Nëse ia ka kërkuar njeri i bie që ky e ka dhënë kontributin me kërkesë të BE. Po përderisa kjo nuk sqarohet deklarata e Ramës për ne në Kosovë është e papritur, dhe e befasishme”- tha ai.

LEXONI GJITHASHTU: 

• “S’kam dijeni, s’di as sa kate është pallati”- Vangjush Dako flet në GJKKO
• Alarm për bomba, evakuohen disa shkolla dhe Kuvendi në Mal të Zi