“Nuk e dini se ç’po hani!” Fermerja: Duhet të shqetësoheni për produktet në markete

Fermerja Rigerta Loku tha në një intervistë për “Good Morning Albanians”, se  njerëzit duhet të shqetësohen për produktet që blejnë nëpër supermarkete, sidomos për produktet e bulmetit, pasi tashmë nuk po dinë më se çfarë po hanë.

E ftuar për të folur rreth ndikimit të qumshtit pluhur në produktet e bulmetit ajo tha se në prodhimin e saj ajo nuk përdor kurrë qumësht pluhur, por me kalimin e viteve numri i bagëtive është ulur ndaj kjo e vështirëson më shumë punën dhe sasinë e prodhimit.

“Kjo është një temë që vazhdon prej vitesh me radhe. Fermerët e vegjël nuk janë përkrahur  nga shteti. sot jemi në këtë numër të vogël krerësh bagëtish sepse mbështetja nuk ka qenë e vazhdueshme dhe kjo është e vërtetë.

Por për këtë fakt duhet të shqetësoheni, aq sa shqetësohemi ne që punojmë në shat në  blegtori e bujqësi, duhet të shqetësoheni ju që shkoni në supermarket e nuk e dini se çfarë hani. Diferenca mes meje e jush është sepse ju nuk e dini çfarë e hani”,-tha fermerja Rigerta Loku.

LEXONI GJITHASHTU:

• “Djathin do e hanë politikanët, hirrën do pini ju”, Fermerja: Bulemti, produkt luksi
• Flutura Açka: Përveç Bardhit s’i kuptoj deputetët e tjerë që ikën nga mbledhja