“Është dheu im”- Berisha: Le ta dijë e gjithë Shqipëria dhe bota që unë jam kosovar

Ish-kryeministri Sali Berisha komentoi në emisionin Now në Euronews Albania zhvillimet e fundit në Kosovë. Në përfundim të intervistës, Berisha u shpreh se është krenar që është me origjinë ng Kosova.

Në një intervistë për gazetarin Andrea Danglli, ai u shpreh se e gjithë Shqipëria dhe bota duhet ta dijë që ai është kosovar, pasi Malësia e Gjakovës është pjesë integrale e Kosovës.

“I kam thënë një fjalë luftëtarëve të Kosovës në 92-shin, Adem Jasharit dhe grupit të tij, që gjysmën e kohës e kam për Shqipërinë, gjysmën tjetër për Kosovën, këtu unë nuk mund të ndryshoj. Kosova, Malësia e Gjakovës është etnikisht pjesë e Kosovës. Hera e fundit që mund të kem komunikuar me Kurtin mund të ketë vite, kam drekuar njëherë gjatë kohës që ishte në opozitë. Pasi ai u zgjodh kryeministër nuk kam pasur asnjë komunikim. Ky është personi që kam takuar më pak nga politikanët e tjerë të Kosovës. Kam ngrënë një drekë me të e kam takuar dy tre herë dhe kaq”, tha Berisha.

LEXONI GJITHASHTU:

• Berisha: Kurti pasi u bë kryeministër nuk më ka folur kurrë, ja dreka e fundit
• Sanksionet ndaj Kosovës, Berisha: Jo në kurriz të interesave të kombit shqiptar
• Berisha: Autoritetet e Kosovës meritojnë lavdërim se refuzuan takimin me Ramën