‘Mallkimi’ i Kroacisë, Spanja fiton finalen e Ligës së Kombeve

Kroacia është sërish e pafat ndërsa ka humbur një tjetër finale të rëndësishme, atë të Ligës së Kombeve. Skuadra ballkanase u mposht nga Spanja, me këta të fundit të cilët ngritën lart trofeun. Fituesi u zgjodh vetëm pas goditjes së 11 metërshave, aty ku iberikët ishin më të saktë.

45 minutat e para prodhuan pak raste me Spanjën, që më tepër qarkullonte topin, por pa vendosur në provë portierin Livakoviç. Edhe fraksioni i dytë ofroi të njëjtën panoramë, me dy skuadrat të bindura se mund të fitonin në shtesë.

Kur gjithçka ishte e barabartë, e as 30 minutat e shtesës nuk prodhuan fitues, u desh goditja e 11 metërshave. I pari që provoi fatin nga ruleta e penalltive ishte Vlasiç e pas tij shënoi Joselu. Majer ishte ai që do të humbiste penalltinë e parë për kroatët, por në anën tjetër Laporte mbajti në lojë ballkanasit. Bruno Petkoviç ekzekutoi goditjen e 6 nga 11 metra, ndërsa u ndal nga Unai Simon. Trofeun për spanjollët e solli Dani Carvajal, mbrojtësi madrilen ekzekutoi saktë, duke shpërthyer në festë La Furia Roha.

Ky ishte trofeu i parë i Ligës së Kombeve për Spanjën, ndërsa edhe në edicionin e dytë ishte finaliste.

LEXO GJITHASHTU:

• Euro 2024/ Kosova sot përballet me Bjellorusinë
• Komentatori rumun akuza të forta: UEFA nuk e do Kosovën në Euro 2024