Euro 2024/ Kosova sot përballet me Bjellorusinë

Tre ndeshje, tre barazime, kjo është statistika jo e këndshme e Kombëtares së Kosovës në futboll në kualifikimet për në Kampionatin Evropian që zhvillohet vitin e ardhshëm.

Me vetëm tre pikë të mbledhura deri më tani në grupin I, “Dardanët” janë të detyruar që sot të marrin vetëm fitore për t’i mbajtur gjallë shpresat për kualifikim në këtë garë, raporton KosovaPress.

Nga ana tjetër, edhe rivali i sotëm është në një formë shumë të dobët. Ata kanë tre humbje në tre ndeshjet e para dhe pozicionohen në vendin e fundit në këtë grup me zero pikë.

Para ndeshjes, trajneri Alain Giresse dhe qendërmbrojtësi Betim Fazliji në konferencë për media theksuan faktin se kanë udhëtuar në Budapest vetëm për të marr tre pikë të plota.

Kosovës do t’i mungojë Elbasan Rashani në këtë ballafaqim për këtë ndeshje, kurse në dyshim është sulmuesi i krahut, Milot Rashica.

Grupi I kryesohet nga Zvicra me nëntë pikë, i ndjekur nga Rumania me shtatë, Izraeli është i treti me katër pikë, kurse Kosova është e katërta me tri pikë.

LEXONI GJITHASHTU:

• Tensionet në veri të Kosovës, Lajçak pritet të vizitojë Uashingtonin
• Nxirren nga lumi Lepenc trupat e pajetë të tre shtetasve të Kosovës