Komentatori rumun akuza të forta: UEFA nuk e do Kosovën në Euro 2024

Komentatori rumun i sportit, Bogdan Cosmescu, ka ngritur dyshime mbi një gjykim të padrejtë të ndeshjes Kosovë-Rumani që u luajt tre ditë më parë në Fadil Vokrri, në kuadër të kualifikueseve për Euro2024.

Komentatori tha se UEFA nuk e dëshiron Kosovën në Euro 2024 dhe ndaj caktoi arbitrin Danny Makellie, të cilin e cilësoi si “arbitrin më të dobët që ka parë ndonjëherë”.

I ftuar në emisionin “Orange Sport”, Cosmescu tha se arsyeja e caktimit të këtij gjyqtari në ndeshjen Kosovë-Rumani erdhi për shkak të dëshirës që UEFA ka për të mos patur në Euro 2024 një shtet që nuk njihet nga të gjitha shtetet evropiane.

“Ka dy gjëra që dua të them. Mendoj se, nëse kjo fazë (jo që nga goli i anuluar i Muriqit) do të bëhej në Francë–Rumani, nuk do të anulohej kurrë. Ky individ (Danny Makkelie) është vrasësi i ri i UEFA-s. Çfarë duhet kërkuar në Kosovë–Rumani përveç se Kosova të arrijë në turneun final? UEFA është shumë e lidhur me Kosovën, por nuk njihet nga gjashtë shtete. Më duket se nuk është jashtë loje, por nëse është, mund të japësh një penallti. A shihni qartë diçka që mund ta vendosni dorën në zjarr? Nuk më duket kështu”.

Gjithashtu ai shtoi: “Nëse kjo ndeshje do të luhej në Serbi, kjo nuk do të ndodhte kurrë. Makkelie është arbitri më i keq që kam parë ndonjëherë. Arrin të shpikë disa gjëra… Nuk do ta harroj kurrë atë penallti, në ndeshjen Danimarkë–Angli. Nëse kjo është një penallti, për mua futbolli nuk ekziston më. Çfarë duhet të kërkojë Makkelie në Kosovë–Rumani? A nuk mund të jetë në Norvegji–Skoci?”, tha Bogdan Cosmescu për “Orange Sport”.

LEXO GJITHASHTU: 

• Rama: Nëse s’lirohen policët këtë javë, rikthehet akulli në marrëdhëniet me Serbinë
• Osmani: Mosmarrëveshjet e Kosovës me SHBA dhe BE duhet të tejkalohen
• Shqiptarët e Kosovës protestë masive në Austri: Mos mbështesni autokratët