Ç’do ndodhë në mbledhjen e Këshillit Kombëtar? Anëtari i kryesisë zbardh axhendën

Anëtari i kryesisë së PD, Gazmend Koduzi tha në një intervistë për Euronews Albania se vendimi për mbledhjen e këshillit kombëtar të PD është në përputhje të plotë me statutin e partisë.

Ai tregoi se me gjithë bojkotin e 17 anëtarëve të grupit  të PD të bërë me dije nga Gazment Bardhi, në këshill janë një numër i konsiderueshëm anëtarësh.

“PD është një institucion dhe për aq kohë sa miq të caktuar bëjnë be për statutin, rojtari i statutit është kuvendi, këshilli dhe kryesia e PD, të tjerët janë zbatues të vendimeve që dalin prej tyre. Në statut ka një pikë ku thuhet: komisioni zgjedhor emërohet nga kryesia dhe miratohet nga këshilli, këtë pikë po zbatojmë. Nesër Këshilli Kombëtar mblidhet vetëm për një pikë; që është miratimi i komisionit zgjedhor, që i hap garën për kreun e PD pasi është institucioni ku dorëzohen dhe përzgjidhen kandidaturat. Statuti e do që mbi 50 për qind e listës së anëtarëve të jenë prezent që të bëhet kuorumi dhe të mbahet mbledhja, unë mendoj se do jenë. Këshilli ka një kryetar, por kryetari i fundit është larguar, nesër mbledhjen do ta drejtojë anëtari më i vjetër i këshillit”, sqaroi Koduzi.

LEXONI GJITHASHTU:

• Kryesia më hoqi kompetencat, Bardhi: U shkel statuti, refuzojmë Këshillin Kombëtar
• Sherri për procedurat në PD, Bardhi kundërshton mënyrën e zgjedhjes së kryetarit