Humbi jetën në nëndetëse, kreu i OceanGate shpërfilli paralajmërimet për rreziqet

Specialisti i kërkimeve të thella, Rob McCallum, paralajmëroi drejtorin e ndjerë të kompanisë OceanGate, Stockton Rush, se nuk është e sigurt të eksplorosh detin me anijen “Titan”, të cilën ai e injoroi, raporton BBC.

Në mesazhet e para nga shërbimi publik i Britanisë, McCallum i tha Rush se potencialisht po i rrezikonte klientët e tij dhe i kërkoi atij të ndalonte përdorimin e nëndetëses derisa të kontrollohej nga një organ i pavarur.

Rush, i cili humbi jetën bashkë me 4 persona të tjerë nga shpërthimi i nëndetëses, u përgjigj se ishte “i lodhur nga lojtarët e industrisë që përpiqeshin të përdorin argumentin e sigurisë për të ndaluar inovacionin”.

McCallum i tha BBC-së se ai i kishte bërë vazhdimisht thirrje OceanGate që të kërkonte certifikim për Titanin përpara se ta përdorte atë për turne komerciale, pasi anija nuk ishte certifikuar apo klasifikuar kurrë.

Titani u zhduk të dielën teksa po zbriste në rrënojat e Titanikut, një linjë oqeanike që u mbyt në Atlantikun e Veriut në vitin 1912 në një thellësi prej 3.8 kilometrash dhe 2 ditë më parë u konfirmua se pesë pasagjerët në bord kishin vdekur, pasi nëndetësja kishte të shpërthyer.

Në anijen në pronësi të kompanisë amerikane OceanGate Expeditions, ishin themeluesi i saj Stockton Rush, veterani francez i detit të thellë Paul-Henri Nargol, miliarderi britanik dhe turisti hapësinor Hamish Harding, biznesmeni pakistanez Shahzada Daëood dhe djali i tij Suleman.

LEXONI GJITHASHTU:

• Manjati amerikan poston mesazhet: Më ofruan 2 vende në nëndetëse, por refuzova
• Të afërmit e viktimave të nëndetëses kërkojnë hetim për tragjedinë