Sulmi në Kramatorsk, raketa ruse mbi shtëpi dhe biznese, mes viktimave një fëmijë

Skuadrat e shpëtimit kanë kryer kërkime në rrënojat e një restoranti në lindje të Ukrainës, që ra pre e një sulmi rus me raketë në qendër të qytetit Kramatorsk.

Të paktën 4 persona janë konfirmuar të vdekur, përfshirë një adoleshent, por ekziston frika se numri i viktimave mund të jetë më i lartë. Më herët një banor përshkroi atë që ndodhi.

Sinkron Franki, dëshmitar:

“Ishim veti i katërt dhe po qëndronim në restorant. Gjithçka shkonte mirë, kur papritur dëgjuam një zhurmë të fuqishme. Më pas kishte gjak ngado, xhama të thyer dhe njerëz të plagosur në rrugë”.

Ndërkohë, një supermarket në qytetin e Khersonit u sulmua gjithashtu, por nuk u raportuan viktima. Forcat e armatosura ruse kanë sulmuar si banesat ashtu dhe bizneset.

Autoritetet ukrainase deklarojnë se taktimat e përdorura nga rusët synojnë t’u mohojnë banorëve vendet e punës dhe aksesin tek ushqimi dhe produktet sanitare.

Në fjalimin e tij të përnatshëm, presidenti Volodymyr Zelensky dënoi sulmet ruse duke deklaruar se, ato provojnë se Rusia meriton të humbasë luftën dhe të gjykohet për krimet e saj.

Ndërkohë, Ministria ruse e Mbrojtjes njoftoi se trupat e saj zmbrapsën me sukses 7 sulme të forcave ukrainase në drejtim të Donjeckut.

Një bazë e vogël ukrainase dhe një qendër komunikimi në këtë rajon u shkatërruan tërësisht.

LEXONI GJITHASHTU:

• Sekuestrohen mbi 20 mijë euro në aeroportin e Kukësit, nën hetim 35-vjeçari
• Kritika Lajçak për dialogun, eurodeputeti austriak: Po i bëni presion vetëm Kosovës