Kadastra, Rama: Nuk e ndryshuam dot sistemin e marrjes së titullit të pronësisë

Kreu i qeverisë Edi Rama ka prezantuar reformën për Kadastrën. Rama tha se nuk kanë mundur ta transformojnë Kadastrën, ndonëse kanë pasur shumë kohë.

Më tej, ai nënvizoi se nuk kanë pasur rezultat në përpjekjet që kanë bërë për të ndryshuar sistemin e marrjes së titullit të pronësisë.

“Arsyeja pse dëshirova ta bëj këtë takim të hapur duke ftuar disa ministra, deputetë, kryetarë bashkisë është për të thënë disa të vërteta të rëndësishme, të cilat janë të vërtetat e shumë njerëzve që, në gjithë këtë periudhë edhe pse kemi bërë shumë përpjekje për ta ndryshuar sistemin e marrjes së titullit të pronësisë, kanë hasur me situata dhe procese absurde deri në dhimbje. E vërteta e parë është se ne nuk kemi arritur, edhe pse e kemi pasur një kohë të gjatë në dispozicion, që ta transformojmë Kadastrën në atë që është në të vërtetë”, tha Rama.

LEXONI GJITHASHTU; 

• Rama: Në 3 korrik mbyllen sportelet fizike të Kadastrës, çdo veprim përmes e-Albania
• Gruas i ngec këmba në shkallën lëvizëse të aeroportit, mjekët detyrohen t’ia presin