Festat e fundvitit në atdhe, rritet numri i qytetarëve në pikat kufitare

Pavarësisht pandemisë, bashkëkombësit shqiptarë, ndonëse në numër më të reduktuar, kanë zgjedhur t’i kalojnë festat e fundvitit pranë familjeve të tyre.

Kështu në 24 orët e fundit nga pika kufitare e Kapshticës në Shqipëri kanë hyrë 1 mijë e 24 qytetarë si dhe 271 mjete.

Ndërkohë nga Qafë Thana kanë hyrë 1849 qytetarë, ndërsa thuajse e njëjta shifër paraqitet edhe në dalje në drejtim të Maqedonisë së Veriut, ku kanë shkuar 1821 të tjerë.

Ndërkaq, të gjithë qytetarët pas pushimeve mund të futen në tokën greke vetëm përmes pikës kufitare të Kakavijës, ku në 24 orët e fundit raportohen të jenë futur 1449 qytetarë dhe kanë dalë 508 të tjerë.