Pas arrestimit të Valter Bamit, RENEA blindon Niklën dhe Tapizën, disa të shoqëruar

Në kuadër të veprimeve hetimore për atentatin në fshatin Larushk, të Fushë-Krujës, ku humbi jetën Ramazan Sino si dhe u plagosën 2 fëmijët e Gentian Bejtjas, mësohet se RENEA dhe FNSH kanë zbarkuar mëngjesin e sotëm në zonën e Tapizës dhe Niklës.

Burimet bëjnë me dije se në operacionin në fjalë kanë marrë pjesë 2 furgonë të FNSH dhe 2 të RENEA. Sipas informacioneve paraprake raportohet se janë shoqëruar disa persona.

Aksioni ka nisur rreth orës 6 të mëngjesit. Kujtojmë se në kuadër të hetimeve për ngjarjen e rëndë u arrestua mbrëmjen e të enjtes Valter Bami, të cilit i janë gjetur gjurmë baruti në duar, por që ka mohuar të ketë lidhje me atentatin.

Sipas policisë Bami dyshohet të jetë edhe autor i atentatit ë fshatin Larushkë, Krujë, në oborrin e banesës së Gentian Bejtjas, ku mbeti i vrarë kunati i këtij të fundit, si dhe u plagosën fëmijët e mitur.

LEXONI GJITHASHTU:

• Vrasja e kunatit të Bejtjas në Krujë, Valter Bami arrestohet si i dyshuar
• Vrasja e kunatit të Bejtjas, foto e makinës së atentatorëve. Mjeti u vodh në Tiranë
• U shoqëruan për vrasjen në Larushk, zbardhet dëshmia e Marklen Hakës e Valter Bamit