Makina përplaset me bordurën në Vlorë-Orikum, plagoset 45-vjeçari

Një person është plagosur në një aksident të ndodhur të premten në aksin Vlorë-Orikum.

Policia tha se shtetasi D. S., 41 vjeç, duke drejtuar automjetin, ka humbur kontrollin mbi drejtimin e automjetit dhe për pasojë automjeti është përplasur me një bordurë prej betoni, në anë të rrugës.

Nga përplasja, është dëmtuar pasagjeri në këtë automjet, shtetasi R. D., 45 vjeç, i cili aktualisht  ndodhet në spital nën kujdesin e mjekëve.

Ndërkaq, drejtuesi i automjetit, shtetasi D. S. është shoqëruar në Komisariat, për kryerjen e veprimeve të mëtejshme procedurale.

Grupi hetimor vijon punën për zbardhjen e plotë të rrethanave të këtij aksidenti.

LEXONI GJITHASHTU:

• Aksident i rëndë në Fier, përplasen tre makina, lëndohen pasagjerët
• E trishtë| Bie aksidentalisht nga kati i tretë i pallatit 22-vjeçari në Tiranë