Po festonin gëzimin familjar, arrestohen dy dasmorët që qëlluan me armë

Në Gjilan, policia ka njoftuar se ka arrestuar dy persona të dyshuar për gjuajtje me armë zjarri gjatë një ahengu familjar ditën e djeshme.

Dy shtetas të moshës 68 dhe 46 vjeç janë arrestuar nga policia e Kosovës, pasi gjatë një dasme në qytetin e Gjilanit kanë qëlluar me armë zjarri.

Arrestimi i tyre ka ndodhur pas një denoncimi nga qytetarët se rreth orës 14:20, në lagje të qytetit të Gjilanit, janë shënuar të shtëna me armë zjarri.

“Njësitet policore kanë arritur që të lokalizojnë vendin e ngjarjes ku kanë takuar dy të dyshuar R.I. (viti i lindjes 1955, mashkull, kosovar shqiptar) dhe F.S. (viti i lindjes 1977, mashkull, kosovar shqiptar) të cilët  dyshohet se gjatë një ahengu familjar (dasmë) kanë shtënë me armë zjarri”, raporton policia e kosovës.

Uniformat blu kanë sekuestruar dhe dy armë zjarri, njëra e llojit Ëalther e kalibrit 9 mm dhe tjetra e llojit Zoraki 917-T si dhe tri (3) gëzhoja të kalibrit 9 mm.

Të dyshuarit janë arrestuar dhe shoqëruar në stacionin Policor Gjilan ku janëmarrë në pyetje në lidhje me ngjarjen

Policia e Kosovës u bën thirrje qytetarëve që të mos përdorin armët e zjarrit gjatë gëzimeve familjare që kanë gjatë sezonit të verës.

LEXONI GJITHASHTU:

• Konflikt mes të rinjve, 28-vjeçari rrëmben kallashin pas parakalimit të gabuar
• Prag tragjedie në Durrës, përleshje mes 2 familjeve pas prishjes së martesës
• Rreh me grushte dy persona dhe i qëllon me thikë, arrestohet i mituri në Durrësi