Rreh me grushte dy persona dhe i qëllon me thikë, arrestohet i mituri në Durrësi

Një 16-vjeçar është arrestuar nga policia e Durrësit, pasi u përfshi në një zënkë të dhunshme me dy persona. Policia bën me dije se i mituri, pas një konflikti për motive të dobëta, qëlloi me grushte një person, si dhe plagosi me thikë një tjetër.

Materialet në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

“Specialistët për Hetimin e Krimeve të Komisariatit të Policisë Durrës arrestuan në flagrancë një shtetas 16 vjeç, banues në Durrës, sepse pas një konflikti për motive të dobëta, ka goditur me grushte një shtetas dhe me mjet prerës (thikë) një shtetas tjetër”, njoftoi policia.

LEXONI GJITHASHTU:

• Balla mban fjalën e parë si Ministër i Brendshëm: S’do të ketë ndryshime drejtuesish
• Balla porosi drejtuesve të policisë: Asnjë deputet të mos ndërhyjë në punën tuaj