Sekuestrohen 294 shezlongë në Durrës, policia: Liruam hapësirën publike

Policia e Durrësit ka ndërmarrë këtë të mërkurë një aksion për lirimin e hapësirave publike në plazhe.

Si rezultat i kontrolleve, janë sekuestruar 147 çadra dhe 294 shezlongë që ishin vendosur pa autorizim, në plazhin “Rëra e Bardhë”, në Manzë.

Policia bën me dije se ka proceduar penalisht 3 administratorë subjektesh ekonomike, që kishin zënë hapësirën në plazh, në kundërshtim me ligjin.

Materialet procedurale në ngarkim të tyre i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

NJOFTIMI I POLICISË:

Si rezultat, u konstatuan 3 raste të tjera të kësaj paligjshmërie, për të cilat u referuan materialet në Prokurori, ku nisi procedimi në gjendje të lirë, për veprën penale “Pushtimi i tokës”, për 3 administratorë subjektesh ekonomike, konkretisht për shtetasit:

-Xh. Gj., 26 vjeçe, pasi kishte vendosur 42 shezlongë dhe 21 çadra, pa lejen përkatëse;

-A. B., 54 vjeç, pasi kishte vendosur 84 shezlongë dhe 42 çadra, pa lejen përkatëse;

-I. I., 49 vjeç, pasi kishte vendosur 168 shezlongë dhe 84 çadra, pa lejen përkatëse.

Shezlongët dhe çadrat u sekuestruan nga shërbimet e Policisë.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Sekuestrohen 152 çadra te “Pema e Thatë” në Ksamil, procedohen penalisht pronarët
• Djegia e 3 makinave në Vlorë, arrestohet porositësi dhe zjarrvënësi
• Kthyen qendrën e masazheve në vatër prostitucioni, e “pësojnë” 5 vajzat në Tiranë