E rëndë| 17-vjeçari shqiptar masakrohet me thikë nga bashkëmoshatari

Një ngjarje e rëndë ka ndodhur në qytetin e Vitisë në Kosovë, ku një 17-vjeçar ka vdekur pasi është goditur me thikë nga një bashkëmoshatar i tij.

Lajmi është konfirmuar nga zëdhënësi i Policisë për rajonin e Gjilanit, Valon Osmani. Osmani deklaron se ngjarja e rëndë ka ndodhur mbrëmjen e së enjtes rreth orës 21:45, moment kur shërbimet e urgjencës kanë marrë njoftimin për plagosjen e një të riu me thikë.

Sipas zëdhënësit të policisë 17-vjeçari është transportuar me urgjencë në spitalin e qytetit, por nuk ka mundur dot t’i mbijetojë plagëve të marra.

Në lidhje me rastin është arrestuar dhe autori i dyshuar i cili është një bashkëmoshatar i viktimës. Policia po vijon punën për zbardhjen e rrethanave të zënkës mes dy të rinjve.

“I dyshuari A.H. (viti i lindjes 2006, mashkull kosovar shqiptar) është arrestuar dhe nga prokurori i shtetit ndaj ti është lëshuar vendimi mbi ndalim për 24 orë”, njofton policia e Kosovës.

LEXONI GJITHASHTU:

• Deputeti i Partisë së Lirisë Petrit Vasili thirret në SPAK
• Kapje e 850 mln euro kokainë në Itali, kush është 35-vjeçari shqiptar i arrestuar