Asgjësohen 1691 bimë narkotike në Lezhë, policia: Po punojmë për kapjen e autorëve

Policia e Shtetit ka asgjësuar këtë të shtunë 1691 bimë narkotike cannabis sativa, të cilat u gjetën të kultivuara në fshatrat e rretheve Lezhë, Kurbin dhe Mirditë.

Sipas policisë në fshatin Fregen të njësisë administrative Ungrej, rrethi Lezhë, janë gjetur të kultivuara në tokë në zonë të shpyllëzuar 421 bimë  dyshuara narkotike cannabis sativa.

Në fshatin Thirre të njësisë administrative Fan, rrethi Mirditë, janë gjetur edhe 1055 bimë të tjera të dyshuara narkotike cannabis sativa të kultivuara në tokë.

Në fshatin Daul, njësia administrative Milot e rrethit Kurbin, janë gjetur edhe 215 bimë të tjera të dyshuara narkotike cannabis sativa të kultivuara në tokë.

Bimët narkotike, pas kryerjes së veprimeve procedurale, u asgjësuan nëpërmjet djegies.

Policia e Lezhës, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, bën me dije se po vijon punën për identifikimin dhe kapjen e autorëve.

LEXONI GJITHASHTU:

• Tragjedia në Gramsh, banorët me lot në sy: Jemi tronditur, të rrethohet liqeni
• Babai i 46-vjeçarit të mbytur në Gramsh: Na thanë s’vonohemi shumë
• Tragjedia e familjes në Gramsh, nxirren nga liqeni trupat e 4 viktimave