Përshkallëzohen flakët në Kraps të Fierit, era favorizon zjarrin

Zjarri në pyllin me pisha në Kraps të Fierit është aktivizuar përsëri.

Për shkak të terrenit “grykë” dhe erërat e forta, flakët po favorizohen dhe përhapen në një sipërfaqe më të gjerë.

Drejtori i zjarrfikësve të bashkisë Fier, Zija Hyka pohon se situata është e vështirë ndërkohë që për neutralizimin e flakëve në terren ndodhen tre mjete zjarrfikëse. Situata bëhet më e vështirë edhe për shkak të terrenit të vështirë, ndërkohë që vetëm dy ditë më parë shuarja e zjarrit u bë e mundur vetëm pas ndërhyrjes nga ajri pasi zjarri doli jashtë kontrollit duke u përhapur nga pylli i Peshtanit drejt Krapsit.

Për shkak të përhapjes së shpejtë të flakëve, situata po bëhet alarmante duke kërkuar përforcime edhe nga Patosi e Roskoveci, ndërkohë që ky zjarr i përmasave të tilla mund të kërkojë edhe ndërhyrje nga ajri.

LEXONI GJITHASHTU:

• Greqia vazhdon luftën me zjarret
• Të paktën 25 viktima nga zjarret në Algjeri