Kurti: Masat e BE-së duhet të hiqen para shpalljes së zgjedhjeve në veri

Kryeministri i Kosovës, Albin Kurti deklaroi sot se masat ndëshkuese të Bashkimit Evropian duhet të hiqen para shpalljes së zgjedhjeve në veri.

Kurti tha në një konferencë për media, pas mbledhjes së qeverisë se ky nuk është kushtëzim ndaj BE-së, por është rrjedha logjike e gjërave që duhet të ndodhin.

“Marrëveshja e Bratislavës duhet të zbatuar. Ne jemi duke u përgatitur që të kemi zgjedhje në veri, ndërkaq presim qe masat ndëshkuese të largohen”, tha ai.

Kurti, i quajti të papranueshme edhe sulmet ndaj policëve të rinj nga komuniteti serb. Ndërkaq, ai kërkoi reagimin ndërkombëtar ndaj kësaj fushate të egër, siç e cilësoi kryeministri i Kosovës, të mbështetur nga Beogradi.

Megjithatë, Kurti tha se policët nuk duhet t’i përfillin këto sulme.

LEXONI GJITHASHTU:

• Analisti zbulon planin e amerikanëve: Si bie Kurti, nëse VV s’pranon qasjen e SHBA
• Vuçiç i “përgjigjet” Kurtit, prezanton dronët kinez në ushtri